Beesha ciidagale ka soo jeeda DDSI ee ku kala nool qaaradaha adduunka kana soo jeeda Gobolka Jarar Gaar ahaan Degaanada Daroor,Rabaso,Abokor iyo Awaare waxaa bogaadin iyo taageero buuxda ku hambalyeynaya Go'aanadii ka soo baxay Shirwaynihii 8aad ee XDSHSI ee dhowaan lagu soo gabagabeeyay xarunta Gobolka Nogob ee magaalada Fiiq sidii dimoqraadiyada iyo daacadnimadu ku dheehnayd ee la isula xisaabtamayay la isuna doortay. Baaqan oo qoraal ah ayaa u Qornaa sidan:-

Hadaanu Nahay Beelaha Dadka ka soo jeeda DDSI ee ku baahsan daafaha Dunida kana soo jeeda Degmada Daroor ilaa Degmada Awaare ee Gobolka Jarar ee ku kala nool dalka iyo Dibadiisaba gaar ahaan Qurbajoogta ku baahsan Dalalka Uk,Norway,North Ameerika,Australia,Afrika ,waddmada Carabta iyo wadamo kalaba Waxaanu Baaq Taageero ah Oo Ku Waajahan Kalfadhigii 8-aad Xisbiga Dimuqraadiga Shacabka Somalida Ethiopia ee dhawaan ka qabsoomay Gobolka Nogob Magaalo Madaxdiisa Fiiq .

\Waxaanu Sidoo kale Taageersan nahay Go’aamadii ka soo baxay Kalfadhigii 8-Aad.

Waxaanu sidoo kale Hambalyeynaynaa markhaatina ka wada nahay sidii xaqiiqda ahayd ee uu Hogaaminta XDSHSI u Soo Bandhigay Warbixintii waxqabadka kalfadhigii 8aad ee Qabsomay Ee ku waajahnaa Nabadgelyada, Horumarka,Maamulka Suuban,Xidhiidhka Qurbajoogta iyadoona aan la soo koobi karin iyo Hogaamintii Subanayd,Cadaaliga ahayd Ee ay ku soo hogaaminayeen Afartii Sano ee u dambeeyey ee uu Hogaanka xukuumada maanta hayay Madaxwayne mudane Cabdi Maxamuud Cumar Taas oo ahayd mid aad ugu guntatay waxqabadka shacabka deegaanka muujisayna Horumar balaadhan oo si siman looga hirgaliyay 9ka Gobol iyo 68da Degmo taasoo Ay cid waliba ay qirtay.

Sidoo kale waxaanu iyana hambalyo iyo Bogaadin u diraynaa Gudoomiyaha XDSSI Ahna Afhayeenka Xisbiga Mr Maxamed Rashiid Isaaq iyo Ku-xigeenka Xisbiga Ahna Madaxweynaha DDSI Md Cabdi Maxamuud Cumar. Hadii aanu Wax ka xusno Waxqabadkii ugu waaweyna Waxqabadkii Xukuumada Madaxweyne Cabdi Maxamuud Cumar Uu ka soo Hooyey intii uu xilka hayey waxaanu garwaaqsanahay in uu madaxwaynuhu xiligii ugu haboonaa uu degdeg ugaga jawaabay waxqabadka baahiyihii iyo daranyadii ay shacabweynaha deegaanku la soo daalaadhacayeen korna u soo qaaday Noloshii bulshada.

Kadib markii uu Madaxweynaha Dalku abuuray Ciidanka Gaarka ah ee Liyuupolice kuna guulaystay In uu dib u soo celiyo Guud ahaan Amaankii Deegaanada iyo xuduudaha Hoos yimaada DDSI Ayaa waxa uu u soo jeestay Waxqabadadan hoos ku xusan:

1- Haqabtirka Biyaha Ee Deegaanada Hoosyimaada DDSI. 2- Jidad iyo Buundooyin waaweyn oo isku xidha Magalooyin waaweyn iyo DegmooyinkaEe DDSI.

3- Caafimaadka Oo iyana Door muhiim ah uu ka qaatay. 4-Tacliinta Oo Iyana Ay ku dedaaleen Sidii Ay Caruurta iyo Dadka Waaweynba u heli lahaayeen Tacliin ku filan. 5-Shaqo abuurka Bulshada Danyarta ah 6-ka faaiidaysiga wabiyada iyo Dooxooyinka.

7-Dhiirigalinta Maalgashiga. 

8-Kor u qaadida iyo soo noolaynta Dhaqankii sidoo kalana in Luqada afka soomaaliga ah takhasus ahaan Jaamacadaha Dalka itoobiya lagu barto Iyo Waxyaalo kale oo Aad u badan oo aan la soo koobi karayn. Hadaba waxaanu mar labad ku celinaynaa hadaanu nahay dadka Deegaanka Degmada Daroor ilaa Degmada Awaare waxaanu halkan ka cadaynaynaa in aanu taageersanahay Shirwaynihii 8aad ee XDSHSI iyo Goaanadii kalfadhiga Baarlamanka DDSI.

Waxaa kale oo aanu aamisanay in go,aankaasi wax la taaban ka tari doono shacabka walaalaha ee wada dega deegaanka.

Jaaliyada Reer UK ee Beesha. Dhamaan Xubnahan Hoos ku xusan Oo Wakiil ah Qurbajooga  Reer UK Ee Beesha.

1. Adan Mooge Xirsi (Adan ingiriis)
2. Maxamed  Xasan Jafal.
3. Maxamed Yusuf Diirqadhaadh.
4. Xasan Macalin.
5. Abokor M.Shukri.
6. Sheekh Ibrahim.
7. Ismacil A.Xaawa.