Waxaa shir uga qabsoomay jaalliyadda beesha Daa,uud Ismaaciil (Ciidagale) ee deggen dalka Ingiriiska caasimaddiisa London dabayaaqadii bishii saddexaad ee sannadkan aynu ku jirno 2015,shirkaas oo dabasocday shirar hore magacooduna yahay BARKHADLE oo si meeqaam sare ah ay u soo abaabushay guddida beesha gaarahaan garabka haweenka, waxaanay beeshu kaga wada tashanaysay arrimo badan oo khuseeya beesha iyo dalka jamhuuriyadda Somaliland guudahaan, waxaana ka dib aayado Qur,aana oo shirka lagu furay hadallo dhaxalgal ah ka soo jeediyey masuuliyiin iyo xubno fara badan waxaana ka mid ahaa,guddoomiye ku xigeenka guddida beesha mudane Mustafe Cabdlahi Ismaaciil oo ka hadlay qiimaha uu leeyahay in ay beeshu kulamada badiso, Guddoomiyadda garabka haweenka marwo Amina Xashi Guled,marwo Sahra Ismaaciil , Ex,Mayor Kii Hargaysa Cabdi Cabdilaahi Mooge, Guddoomiyihii hore mudane Abokor Maxamed Ismaciil,iyo masuuliyiin ka socday ururrda beesha kana mid ahaayeen Ururka dalladda guud ee Gaaroodi, Ururka Haldoor, Hablaha Gaaroodi ,ururka dhallinyarada beesha Ciidagale ,ururka Gacanqabad oo dhammaantood ku nuuxnuuxsaday hadallo shirku u khushuucay iyo qiimaha ay leeday midnimadu, masuuliyiinta iyo xubnaha ka hadlay shirka  waxaa ka mid ahaa;Cabdulqadir Cali Baraar,Xasan Macalin oo ka warbixiyey xaaladda dalka hooyo oo dhowaan ka soo laabtay,Adan Ismaciil Cubuli,Ismaciil Axmed Xaawo,Faysal Haadaame,Jacfar Ismaaciil Botan,Layla Baalcadde iyo masuuliyiin iyo xubno fara badan oo kale waxaanay isku wada raaceen muhiimdda ay leeday in lala shaqeeyo guddida beesha, guddiduna la shaqayso ama wada xidhiidhiso ururrada beesha, jaalliyadaha qurbjoogga beesha dhammaan iyo guudahaan beesha qaybaheeda kala duwan.

Madashaasi waxay ku soo gebagebawday jawi deggen oo qurux badan laga dheehanayey waxaana laysla qaatay qodobbada hoos ku bayaansan;

1. In si mug leh loo wada ilaaliyo dalka Somaliland, meelna looga soo wada jeedo nabadgelyadiisa,lagana digtoonaado wixii qallooc ama dhibaato u keeni kara.
2. Beeshu lahaato xidhiidh dhow iyo iska warhayn joogto ah il gaarana ku wada hayso wixii midnimadeeda wax yeeli kara kana dhawrsoonaato,mashaariicda deegaanka ka socotana la dardar geliyo oo loo hagar baxo,sida waddada Cad,Dhakhtarka Sallaxlay iyo midka Qoolbulalle iyo dugsiyada waxbarashada deegaanka.
3. In ay beesha Daa,uud Ismaaciil ee Ciidagale beelaha reer Somaliland xidhiidh walaaltinnimo la lahaato qarannimda dalkana si buuxda loo wada ilaaliyo, wixii furfur u keenayana laga feejignaado gacan birana lagu wada qabto.
4. Ka dib markii maammulka hadda gacanta ku dalka ay qiimayn waayeen beesha oo ay kula kaceen in ay duudsiyaan sadka ay beeshu dalka ku leeday iyada oo waliba beeshu gun dhig u tahay dalka, kaas oo aanay beeshu qaadan karin kana mid yihiin,xil ka qaadis joogto ah oo markii horeba meel aan qiima lahayn lagu gudbay, masuuliyiinta sida hawsha yar loo eryey waxaa ka mid ahaa; 1.Maareeyayaashii wakaaladda korontadaMudane Sabce,Mudane Wali Axmed Xaawo,2.wasiirkii caafimaadka Dr Xuseen Xoog,3.Taliyihii geeriyooday Allaah waxaanu uga baryeyna in uu u naxariista jannada fardawsana ka waraabiyo ee ciidanka qaranka aagga bari marxuum Indho balac,4.taliyihii ciidanka badda Admiral Axmed Aw Cisman.  Beeshu waxay go,aansatay in ay kalsoonidii kala noqoto maammulka wakhtigiisu gabaabsiga yahay.
5. In ay beeshu shir guud qabsato intaa aanu sannadkani dhammaan laguna qabto magaalada Aw Barkhadle magciisuna ahaado Barkhadle, si loo helo guddi guud oo horumarineed oo beeshu u dhantay oo hoggamisa lana shaqaysa madaxdhaqameedka beesha,loona hoggaansamo gudida qabanqaabada ee Suldaanka guud ee beelaha Somaliland Suldaan Maxamed Suldaan Cabdulqadir hawl geliyey,si looga maarmo guddi aan ka turjumin rabitaanka beesha ee suldaanku hore u kala diray 35 xubnoob ahayd ayse ka dhaqdhaaaqayeen 4 xubnood,annaga uga mahadcelinayna muddadii ay xilka soo hayeen ee ay kaga dhammayd 28/6/2013.
6. In diiwaangelinta madaniga ah si buuxda looga wada qayb qaato si ay muwaadinka ugu sugnaato xaqa uu dalka ku leeyahay.
7. Gobolka Gaaroodi ee magaalo madaxdiisu tahay Sallaxlay loo magacaabo gobolnimadii uu hore u ahaan jiray markii mustacmarkii dawladda ingiriisku dalka ka talaynaysay.
8. Lagu  riixo maammulka ku dhaggan dalka in ay doorasho ka qabsoonto dalka xor oo xalaal ah.
9. la badiyo cabsida الله Swt intii aan aqoon u lahayni barato qur,aanka kariimka ah iyo sunnada rasuuka Muxammed scw lana ducaysto.