Caynaba (Hargeysa Online) Wafti Baladhan Oo Uu Hogaminayay Wasiirkii Hore Wasaradda Madaxtoyada Somaliland Xirsi Cali Xaji Xasan Oo ka Mid ahayeen Xildhibano ka Tirsan Golaha Degaanka Degmada Burco ayaa Maanta loo Diiday inay ka qayb-galaan Shir Beesha Yoonis Cabdiraxmaan Ee Habar Jeclo uga Socday Magalada Caynaba Ee Gobalka Saraar.

 

Wasiirkii Hore Madaxtoyada Xirsi Cali iyo Waftigaasi ayaa Ciidamo Boolis ahi ay ku hor istageen istabta amaba kaantoralka Magalada Caynaba Waxaanay Ciidanku Booliska Ee Waftiga is Hortagay ay Shegeen inay qabaan Amar uga Yimi Hogaankoda sare.

Waftigani ayaa Markii ay Mudo ku Xanibnayeen istabtaasi ayaa Waxa Marki danbe Ciidanka Joogay istabtaasi lagu soo amray inay waftiga Fasaxaan una Ogaladan inay ka qayb-galaan Shirkaasi.

Xildhiban Nuux Maxamed Xuseen Oo ka Mid ah Xildhibanada Golaha Degaanka Degmada Burco Oo la soo Xidhidhay Shabakada Caalamiga ah Hadhwanaagnews ayaa u Xaqijiyay in Waftiga Uu Hogaminayay Wasiirkii hore Madaxtoyada Loo Diiday inay ka qayb-galaan Shirkaasi.

Dhinaca Kale Wararka Soo Gaadhay Shabakada Caalamiga ah Hadhwanaagnews ayaa Shegaya in Markii ay Waftigu Gadheen Madashii Shirka Uu Goobtasi Waftiga Xirsi Cali Xaji Xasan ka Raali Galiyay Qaabkii ay ula Dhaqmeen Ciidamadu Suldaanka Guud Ee Beelaha Habar Jeclo Suldaan C/Laahi Suldaan Cali

Ugu Danbayntii ilaa imika lama Garanayo Sababta Keentay inay Xukumadu u Diido Waftigaasi inay ka qayb-galaan Shirkaasi Maadama oo ay iyaguna Shirkaasi ka qayb-galeen Gudomiyaha Xisbiga Kulmiye iyo Waliba Gudomiye ku Xigeenka Xisbiga Mucaradka Wadani.

Maxamed Xasan dheere.
Xafiiska Wararka ee Hargeysa Online.
Hargeysa Somaliland.