Gabaygii LAYAAB.
Posted by ifraax on July 12 2015 21:42:59
Gabaygani wuxuu ka mid ahaa gabayo na dhex maray aniga iyo ibraahin cabdi inkastoo kiisii aanan haynin waa kan kii aan mparkaa uga tiriyey.
- Inaanu gabay yabooh gelin asaan laysu yabadh siinin
- Oo aanu yarad goyn ninkii iga yaqaan baa og
- Inuu haybad yahay kii yaraan ku gabyay baa sii og
- Inay maanso yeel iyo hub tahay yaanbo iyo xoog dhan
- Nimaan yugin itaalkii ayaa ya' iyo wawleey og
- Ana inaan aqaan yeesha gabay eray yagleelkeeda
- Waxa ii yaqaan aadmigoo yar iyo waynbay og
- Adse inaad murtida yaabiska ah curiso yoolkeeda
- Oo ay yuhuuntiyo tixduba kugu yartaan sheegay
- Tuugsi iyo yabooh iyo inaad adigu yeelyeeshay
- Ood soo yabaalisay tixduna kugu yartaan sheegay
- Inay yabadh malaa kugu tahoo raan ku yara siiyey
- Waa waxaad la yuusteed cidlada uga yu'aysaaye
- Hadaad yeeke weligaa ahayd sidan ma yeesheene
- Ibraahinow ma aad yaahiseen qaylo yaabadane
- Anoon kuugu gaar yeelin weedh iguma yoonteene
- Maxaan kaaga yaahoonayaa garasho waa yaabe?
- Yalka dhacay wanaagii yulqamay taladi yaaxawday
- Al yacnii nimcadii layska rogay dirirti yawlaysay
- Kaaraha yulxamay iyo baroon sida yaxaas reemay
- Ee loola yimi maatidaa loog yalaxleeyey
- Ee goobtan loo yuururay gelisay yaabkaase
- Hadaan soo yaxoobsaday burcoon gaadhay yacaygeeda
- Yuqle orod hadii aan yal idhi yayda iyo xoorka
- Oo aan yureey cadawga idhi oon ku muday yaanbo
- Inaad ii yaboohday ahayd geesi yaabadane
- Xagaad iiga yaaloonaysaa waa layaab taniye
allaa mahad leh maxamed yaasiin maxamed ilkacase mymnaleye@hotmail.com