Al-shabaab ayaa degmada Baardheere ee gobolka Gedo kusoo bandhigtay gaadiid ay kasoo qabsatay dalka Kenya, toddobaadkii la soo dhaafay.

Al-shabaab ayaa degmada Baardheere ee gobolka Gedo kusoo bandhigtay gaadiid ay kasoo qabsatay dalka Kenya, toddobaadkii la soo dhaafay. Barxad weyn oo ku taalla Baardheere ayaa lagu soo bandhigay baabuurtan oo lagu soo qabsaday weerar qorsheeysan oo xoogag Al-shabaab ka tirsan ay ku qaadeen gaadiid ay wateen ciidamada Kenya oo duleedka Mandheera marayay. Mas’uuliyiin ka t irsan Al-shabaab ayaa boqollaal dadweyne ah kula hadlay halka lagu soo bandhigay gaadiidkan, kuwaasoo ku booriyay shacabka inay gacan ku siiyaan dagaalka ay kula jiraan waxay ugu yeereen cadowgooda. Gaadiidka ay Al-shabaab soo bandhigtay ayaa waxay ahaayeen laba gaari oo ah kuwa loo yaqaan Cabdi-bilaha oo dusha ay ka saran yihiin ciidamada Al-shabaab, hub, warqado aqoonsi oo uu lahaa sarkaal Kenyan ah oo lagu magacaabo, Kenneth Salluubu, qoryaha faalka oo ay caanka ku yihiin ciidamada Kenya ayaa ayaa iyagana lagu soo bandhigay goobta.

Cadnaan cali Maxamuud.
Xafiiska Wararka ee Hargeysa Online.
Mogdisho,Somaliya.