Jaamac Xaaji Yuusuf, waa nin Soomaaliyeed oo ku dhashay kuna barbaaray aadna wax ugu bartay gudaha dalka Canada ee Waqooyiga Amerika.

Jaamac Xaaji Yuusuf, waa nin Soomaaliyeed oo ku dhashay kuna barbaaray aadna wax ugu bartay gudaha dalka Canada ee Waqooyiga Amerika. Markii uu waxbarashada dhammeeyay ayaa ninkaasi aqoonyahanka ah wuxuu shaqo ka codsaday mid ka mid ah shirkadaha waaweyn ee dalkaasi Canada. Si kastaba ha ahaatee, muddo markii uu shaqadii sugaayay in loogu yeero ayaa si cad loogu shegay in shaqada loo diiday walow uu u qalmo oo aqoonteeda leeyahay maadaama uu yahay nin Soomaali ah, maadaama waa sida ay xubnaha maamulka shirkadu u sheegeene dhaqanka Soomaalida uu ku keeno Soomaalida inay kusoo shaac baxaan 'dad aanan loo talin karin shaqana in la siiyo aan ku habbooneyn'. Sidaa daraadeed arinkii ayaa fajac iyo wax laga xumaado ku noqday Mr. Jaamac iyo dhammaan dadka Soomaaliyeed ee ku dhaqan Canada gaar ahaan caasimada Toronto maadaama hadalkaasi uusan sax ahayn balse Soomaalida loona talin karo dad hawl kar ahna ay yihiin. Jaamac wuxuu wax ku bartay Jaamacada Waterloo. Waa aqoon yahan waana nin u hoggaansan sharuucda dalkaa Canada oo muwaadin dhab ah weeye sida laga shaaciyay warbaahinta gaar ahaan talefishinka Canada ee CBC. Sanad kadib, Mr. Jaamac wuxuu maxkamad geeyay dacwad xaquuqul insaankiisa in lagu xad gudbay ah. “Ma aqaano si aan uga jawaabo emailkaas,” Jaamac sidaa ayuu u sheegay talefishinka CBC-waa email shirkadu shaqada ugu diiday wuxuu ka hadlaayay. Haatan ayaa waxaa la filayaa in dacwada ay dhageysato isla markaana xukunto maxkamada loo gudbiyay oo ayadu dhageysata arimaha la xiriira xaquuqda dadka iyo sidii loogu soo celin lahaa xaquuqda ka maqan.

Hargeysa Online