Ururka Al-shabaa ayaa markii ugu horeysay soo bandhigay magaca shaqsigii isku qarxiyay Isniintii todobaadkan garoonka diyaaradaha magaalada Muqdisho.

Ururka Al-shabaa ayaa markii ugu horeysay soo bandhigay magaca shaqsigii isku qarxiyay Isniintii todobaadkan garoonka diyaaradaha magaalada Muqdisho gaar ahaan hotelka Peace.

Magaca shaqsiga fuliyay weerarkii labaad ayeey ku sheegeen Al-shabaab Max’ed Abuukar Calasoow oo ka soo jeeda gobolka Sh/dhexe gaar ahaan degmada Balcad.
Cod maqal ah oo la sheegay in laga duubay shaqsiga is qarxiyay ayaa lagu baahiyay warbaahinta ku hadasha afka kooxda Al-shabaab oo inta badan sheegata qaraxyada ka dhaca magaalada caasimada ah ee Muqdisho iyo gobollada kale ee dalka.
Hasse ahaatee Al-shabaab ma aysan sheegin magaca qofkii fuliyay weerarkii hore ee lagu bartilmaameedsaday barkoontarool oo ay ku sugnaayeen ciidamo ka tirsan dowlada.
Ugu danbeyntii, Al-shabaab ayaa inta badan marka ay dhacaan weerarada is qarxinta ah waxaa ay warbaahinta taageerta ka sii daayaan codad iyo fariimo ay reebaan shaqsigaaydka is qarxinta geysta,  laakiin ma jirto cid xaqiijin karta run ahaashaha codadkaas.

Hargeysa Online