Muqdisho(Hargeysa Online)Ex Col. Cali Xaaji Warsame oo dhawaan iska casilay Gudoomiye-nimada Shirkadda Isgaadhsiinta ee Gollis ee Xarunteedu tahay Magaaladda Boosaaso ayaa isu-diyaarinaya inuu noqdo Madaxwaynaha Maamul Goboleedka Puntland ka dib markii uu lacag $15 Milyan uu ka helay  Madaxwaynaha Xamar Xasan Sheekh Maxamuud. Sida Dad Goob Joog ahaa Shabakada Hargeysa Online u Xaqiijiyeen, Heshiis dhawaan Magaaladda Muqdisho ku kala dhexmaray labadaas nin ayaa waxa la isla meeldhigay in Cali Xaahi Warsame 15-ka Milyan ee Dooller ee la siiyey ku iibsado doorashada Madaxtinimada Puntland ee la filaayo inay ka dhacday gobolkaas bisha January 2014,  isla marka uu kursiga ku fadhiistona uu Colaado ka bilaabo deegaanadda Laascaanood iyo Buuhoodle. Qodobada kale ee heshiiskan waxa ka mid ah in Cali Xaaji Warsame uu markiiba ku dhawaaqo in Ciidamo AMISOM ah la keeno jiidihii uu Colaadaha iyo Fidnimada ka dhex abuuray, taas oo uu Xasan Sheekh Maxamuud uga dan leeyahay inuu ka dhigto Sabab uu u cuskado joojinta wada-hadalada Somaliland iyo Somalia oo uu isagu u arko inaanay faa’ido siyaasadeed ugu jirin. Cali Xaaji Warsame oo isagu leh Saamiga ugu wayn ugu wayn ee Shirkadda Isgaadhsiinta Gollis ayaa waxa uu ahaan jiray Sarkaal Milatari (Colonel), horaantii 90-aadkiina waxa uu ka mid ahaa Ciidamadii Ururkii Al Itixaad iyada oo sanadahan danbe uu ku biiray Kooxda Akhwaanul Muslimiinta ee la baxday Damul-Jadiid ee uu  hogaaminayo Madawayne Xasan Sheekh Maxamuud (Culusow).

Hargeysa Online