Annaga oo ku hadlayna magaca ururka Gaaroodi iyo magaca qurba joogga beesha Daa,uud ismaaciil (Ciidagale) waxaanu ku hambalyeynaya ummadda muslimiinta ah gaarahaan shacabka reer Somaliland munaasibadda maalmaha ciidda ah ee barakaysan,waxaanu Allaah subxaana wa tacaala ka baryeyna in uu innaga aqbalo soomkii bishii Ramadaan ee aynu soo gudannay,waxaanu kale oo ka baryeyna in uu inta dhibaataysan ka saaro waxa dhibaya muraaddada khayrka lehna inoo fududeeyo,dalka Somaliland ee dadkiisu aqoonsanyahayna rabitaankooda uga suurgeliyo caalamka.

Annaga oo ka faa,iidaysanayna munaasibadda ciidda waxaanu ku waaninayna in ay madaxdhaqameedka reer Somaliland ilaaliyaan milgaha cumaadda ay beelaha u sidaan oo aanay ku dhex milmin siyaasadda is bedbedelaysa waayo siyaasiga waa la beddela laakiin madaxdhaqameedka lama beddelo,madaxdhaqameedku waa samo taliye,ilaaliye isku duubnida iyo horseedka nabadgelyada kana dhawrsoon aflagaaddo ,abuurid fidno kana digtoonaada siyaasi ujeeddo u gaara leh.

Waa lagama maarmaan in uu jiro hoggaan keliya oo madaxdhaqameedka isku haya waayo Somaliland waa beel keliya oo dal wada leh.