Bismilaahi raxmaani raxiim ascww

Fadiilatu sheekh cumar xuseen aw jaamac oo ku magac dheeraa sheekh cumar ceesh

waxa uu ka mid ahaa xubnihii sida wayn uga hawlgalay barashada diinta islaamka

inuu dalka soomaaliya ka hirgaliyo.

waxa sheekhu ka qalinjabiyay jaamacada ASHAR ee dalka masaarida waxaanu ahaa inta la garanaayo

wadaadadii ugu horeeyay ee dalka masar waxbarasho u taga kana soo qalin jabiya.

ilaahay haka raali ahaadee waxa sheekh cumar bilaabay FIDINTA DIINTA ISLAAMKA

Tafsiirka quraanka kariimka ah iyo barashada axaadiiska rasuulka calayhi salaatu wasalaam

ayuu ka bilaabay magaalada hargaysa waxaana uu ku guulaystay in uu arday badan

aqoonta diintiisa ku shubo.

waxa markiiba suurtagal noqotay in ardaydii uu waxbaray ay ayaga laftoodu wax sii baraan

arday kale.

ilaahay mahadi haka gaadhee waxa sheekh cumar xuseen horseeday in dhamaan dalka gudihiisa

ay ku faaftay barashada kitaabka QURAANKA KARIIMKA ah iyo barashada xadiiska rasuulka csw

Waxa hoostaada ku sawiran MASJID JAAMACA magaalada hargaysa oo ah masaajidka ugu wayn

somaliland magaalada hargaysa waxaana lagu bilaabay nidaam iskaa wax u qabso ah

waxa sheekh cumar xuseen ka mid ahaa xubnihii degaanka ee ayagu suurta galiyay in la dhiso masaajidkan

waxay si wayn u abaabuleen bulshada magaalada hargaysa kuna dhiiri galiyeen in si wada jira

baytankan ilaahay loo taago.

WAA baytka ilaahay subxaanuhu watacaalaa ee loo yaqaano MASJIDUL JAAMACA

wuxuu ku yaalaa caasimada somaliland ee magaalada hargaysa waana masajidka ugu wayn

waxa masaajidka in badan khudbada jimacaha ka akhriyi jiray fadiilatu sheekh cabdiraxman kaariye AHN

oo aniga laftaydu aan ka bartay kitaabka taajka la yidhaa. ahaana sheekh caalima oo aad u wayn

waxa asaguna imaam ka ahaa fadiilatu sheekh faarax wadaaje AHN oo isaguna ahaa caalim wayn

 

Fadiilatu sheekh cumar xuseen aw jaamac waxa uu waqtigan degan yahay dalka uk caasiamda london

waxaanu leeyahay reer barakaysan oo mustaqbalka noqon doono kuwa ugargaara barashada diinta islaamka

waxa sheekh cumar had iyo goor gurigiisa ku booqda arday badan oo uu asagu wax baray ilaa imikana

aan ka qoob qaadin jecelna inay cilmiga kala hadhaan si ay umada ugu sii faa,iideeyaan.

waxa sheekh cumar inta badan kasoo baxaa shaashada tv yada ee dadku diinta wax ka waydiiyaan

ilaahay cimrigiisa ha dheereeyee sheekh cumar xuseen ilaa imika kamauu hadhin wacyi galinta umada

iyo ufaa,iidaynta aqoonta diinta islaamka.

Fadiilatu sheekh cumar waxa uu ahaa maamulaha dugsiga axmed guray ee ku yaala degmada iftin hada loo

yaqaan degmada mujaahid axmed dhagax.

waqtigaas uu sheekhu ahaa maamulaha dugsiga ayaa waxa lagu tiriyaa waqtiyadii ugu wanaagsanayd

ee arday badani ka aflaxaan dugsiga axmed gurey.

waxaana taasi ku suurto gashay ayadoo waalidiinta ardayda ee magaalada hargaysa ay kalsooni dheeraada

ku qabeen hogaanka sare ee dugsiga oo uu joogay markaa FADIILATU sheekh cumar ceesh

waxay aradydu ka iman jireen xaafado ka durugsan dugsiga kaas oo ahaa mid waalidkoodu u dooray

ayagoo markaa aad ugu niyad wanagsanaa in ubadkoodu maqaam fiican la iman karaan haday ka aflaxaan

dugsiga FADIILATU sheekh cumar xuseen gacanta ku hayay oo ay u doorbideen ubadkooda.

 

Gabagabdii

 

Taariikhda fadiilatul sheekh cumar  xuseen maaha mid aynu qoraal yar kusoo koobi karno

balse waxaynu   guda gali doona   mustaqbalka inaynu  ka sheekayno meelo badan

oo dhanka galbeedka ah oo gabiley ka mid tahay oo sheekhu uu macalin ka ahaa

waxa kaloo aynu tariikhaha danbe ka sheekayn doonaa rag badan oo haldoora

dalkana masuuliyad ka haya oo sheekhu macalin u ahaa

salaadiin iyo cuqaal badan oo sheekhu wax baray ayaynu qaybaha danbe kusoo qaadan

doono intii aynu ka heli karno.

 

wabilaahi tawfiiq

SICIID CABDI DHEEN

[email protected]

london uk