|
|
Bismillaahi Arramanirraxeem. waxaanu idin leenahay Asalaamu calaykum wa raxma tullaah wa barakaatuh.Allah ayaa mahad mudan,rasuulkiisa Muxamed naxariis iyo nabadgelyo korkiisa ha ahaato.
Anagoo ah jaalliyada deggen dalka Ingiriiska waxaanu Ciidul-Udxada awgeed hambalyo aan la soo koobi karin gaadhsiinayna umadda muslimiinta gaarahaan shacbiga jamhuuriyadda Somaliland, waxaanu leenahay ku ciida caafimaad,nabad-qab iyo cawaaqib wanaagsan,waxaanu Allaah ka baryeynaa inuu fadliga ayaamaha barakaysan inna siiyo dariiqa toosanna inagu hanuuniyo oo aynu ahaano kuwo badiya Allah ka cabsiga kana dheeraano dhibaatooyinka shaydaanku u horseedo aadamaha.
Annaga oo ka faa,iidaysanayna fursadan waxaanu ku waaninayna cid kasta oo xil haysa una dhaartay shacakooda in aanay dhayalsan wacadka ay Allah dartii ku kutubka qur,aanka gacanka u saareen uguna dhaarteen,taas oo haddii la garab maro keenaysa in laga gudbo xadka diinta islaamku inoo jidaysay Allana lagaga fogaanayo horseedna u noqonaysa habqan iyo is afgaran-waa.
Ciid mubaarak dhammaantiin
Wa billaahi tawfiiq
Guddoomiyaha beesha Ciidagale UK.
Deeq Cabdi Digale
