Gabaygan kibir la baxay waa gabay dheeg aan ka soo dheegtay gabaygii alle haw naxariistee darwiishkii ismaaciil mire waxaanan kaga hadlayey halgankii ka dib sidii ay yeeleen rag badan oo siyaasiin iyo kornaylo ahaa oo ay taladii dadku ay iyaga gacantooda ay ku jirtay iyo siday ku haboonayd in lala xisaabtamo waajibkoodana la mariyo markiise taa la waayey nin walibana oo reer hoosta ka galay in noocan looga faaloodaa waa muhiim waxaanse qabaa in taageerayaashoodii beeluhu ay dhibsan doonaan,waana kan


 

1. Keligaa adaa talin karuu kaahin ciirsadaye
2. Kashiisaba ma gelin Yoonisbaa koodhka kaa heliye
3. Kama'iisu waxa uu ka riday kal iyo buur dhaabe
4. Waataa colaaduu katibaydhibay karkeediiye
5. Iminkuu kadeedkii ku xidhay kaawo aan go'ine
6. Ragow kibirka waa lagu kufaa ee kaa hala ogaado
7. Iyadoo karaar qaadatoo kaaha la ifaysa
8. Oo uu kartoon iyo anfoco keenay badi yaare
9. Laga helay korsocod iyo cashuur amase keer dhuuni
10. Dhegawayne kaydkuu heliyo kawlki badi saydhye
11. Kadbo aadyar isagoon is odhan buu dhanxiir koraye
12. Waakaa kornaylkii qaldamay keeb la yuurura e
13. Iminkuu kediga merayaa koranki waalnaaye
14. Waa kolanyo nimankii arlada kuruska waynaaye
15. Ragow kibirka waa lagu kufaa ee kaa hala ogaado
16. Ninkaan kadabsan ciidiisa iyo calanka koonkiisa
17. Ee kani mid maahiyo kobtani waa cidluun bu'aya
18. Ee dowlad kaamila ma aha ugu kalaamaaya
19. Kub ka duule keysow bulshadu waa ay karahdaaye
20. Kufkaa Gaal ayaa Eebahay kebed ku awdaaye
21. Ragow kibirka waa lagu kufaa ee kaa hala ogaado
22. Koox ururtay kii shalayto hagay maanta karahooda
23. Kunba edeg ardaa iyo kungoys inuu ku soo awdo
24. Uu kala dilaa may ekayn kaamam wada yaale
25. Siilaanyo waa uu kadibay gubayna kaadhkiise
26. Korjoogii wuxuu doorkan galay kaabe reer hebele
27. Hayeeshee wixii uu kasbaday waa la kulan siine
28. Ragow kibirka waa lagu kufaa ee kaa hala ogaado
29. Kunka waayo arag ee colaad kow isaga siiyey
30. Kasi waaye ina biixigaa kadaya dhuuxoode
31. Sidii awr la kooreeyey bay daba kashleeyeene
32. Ragow kibirka waa lagu kufaa ee kaa ha la ogaado
33. Kinsi buu ahaa faarax nuur kaalintuu galaye
34. Kobii uu fadhiyey bay taladu kooras ku ahayde
35. Isu keen wuxuu gabay tirshaba gacalna soo koobye
36. Waxse gabay kalkiisii markay guray kor saareene
37. Kaartaa lagu tuhmaayiyo garaad ama kornayl wayne
38. Kaakaca ayuu yidhi ragii badina kooreeye
39. Kumanaan halyay baa dartii aakhirow kacaye
40. Ragow kibirka waa lagu kufaa ee kaa hala ogaado
41. Kacaankii afwaynaba ragii kaalin jiray moorgan
42. Carte iyo kun jirow baan ogaa waase kala haabe
43. Kursi doonku waakaa hodiyo taliski kaaraane
44. Haduu kadabso somaliland uu kabta u yeesho
45. Kiis qaranka kama uu galeen lagu kur gooyaaye
46. Waxse kaabay waa looyarkaan keenin qodobkiise
47. Ragow kibirka waa lagu kufaa ee kaa hala ogaado
48. Kaamilkoodhka maantuu ahaa dunidan oo kowa
49. Ee qoriga kaaraha la baray bii em kiyo lowga
50. Liishaanka kore iyo markii xagasha loo koobay
51. Kabtan carab inuu cadow jabshuu kooraskow galaye
52. Kola lagama filin inuu bulshada kaabigow dhigo e 
53. Wax kabaday kadeedkiyo dhib iyo qax iyo kuur kuursi
54. Maatadii hadaad kabanaysaan uu kaskeed galaye
55. Isna kadab go'iisaa u dhigan kaadan dabadeede
56. Ragow kibirka waa lagu kufaa ee kaa hala ogaado
57. Nin kuhaama shilke wiilka kora kurayga liishaama
58. Nin karhaaya kaariyo baroon kooxo ku hubaysan
59. Oo aan dhashiikuhu kadibin suugu kabashlaynin
60. Mid kormeera janan kaarto dhiga wiilal kadab gooya
61. Oday keena kiish iyo rasaas koromo loo loogo
62. Dhakhtar kabaya talis wada kamilan oon kobtaba joogin
63. Siyaasigan kelifay ee kobcee kadaya ruuxdiisa
64. Ee ay kildhiga madaxa iyo ay kurtow gelisay
65. Ku kastoo kabtida nabada iyo samaha koor gooya
66. Munaafaqad nin koolkooliyiyo nacaska soo kiila
67. Kadabkii inuu go'ay horay kaafka ugu tiile
68. Darse kuwaa ka daran baa jiriyo dhawr karbaashyo leh
69. Oo intay kibren oo kibreen oo macashu koorowday
70. Yaa weliba kasgaab li'i hadana loo kitaab dayaye
71. Waa kuwaa miriyo kaabulkii koondharka ahaaye
72. Waana loo katibay inaan dirkaa kimis u laabnayne
73. Ragow kibirka waa lagu kufaa ee kaa hala ogaado
74. Kaabaduu qotomiyiyo xornimo calankan kii taagay
75. Kalgacalkii dadwaynaha hadii goosashadu keentay
76. Keli talisba waa wixii siyaad saaray kaaraha e
77. Kama ii qabiilkuna wakaa geeyey kiiniya e
78. Iyadoon heshiis lagu kamilin kiisna lagu qaydan
79. Ku tagiyo ku joogaba xisaab laysu kumi taaban
80. Inuu kaalo tuur noo baxshoo kadab na dhaafsiisto
81. Kadeedkiyo dhibkeedii haduu kuududaa xamare
82. Kasxumaanta waa lagu jabaa ee kaa hala ogaado
83. Kii ugu sareeyiyo kobtii taladu ay joogtay
84. Tuutaha kolkuu soo xidhiyo koodhka iyo shaadhka
85. Ee uu colaadii katibay uu kulmiyey beesha
86. Kolkay curatay baaruudu ee keebka lagu boobay
87. Koofiyadii ceebaha sidaa la kuftay xeerkeede
88. Ruux waliba kobtuu dhigay xiligu wuu kamilayaaye
89. Kas xumaanta waa lagu jabaa ee kaa hala ogaado